好不容易終於完成大學二年級的考試，也有時間鬆一口氣。
近來「心引」起，好想食「韓燒」！
今日下午便到了尖沙咀買「韓國牛肋骨」。
（當然買之前到Mira和The One行個轉先喇 : D ）
（以下只限家用參考）
材料：
韓國牛肋骨 2 pieces
醬汁 1 bottle
今日試的「韓國牛肋骨」是在金巴利街買的，跟它說「韓國牛肋骨」，服務員便會係凍肉櫃拿出來。
它是一包包包好的，一包兩條牛肋骨。（不能單買唷！）
服務員其實拿了兩種骨出來，一種是一片片，好像是七片就七十四元。
今日買的是「連骨」，長長地，捲起來，共兩條，共二百二十九元。
（其實我覺得唔平，但試一次又無妨的！）
不妨買埋「韓國牛肋骨」的醬汁，二十元一枝。
服務員：如果即日用，你一枝用晒，不用加水，淹十分鐘。
如果你用一日時間，就加水，否則太鹹。
（今日試整只係用左三分一醬汁。）
回到家，先將「韓國牛肋骨」解凍。
解凍約兩至三小時，大約食前就用醬汁淹下「韓國牛肋骨」。
用左三分一的醬汁，已經覺得夠，所以就無再加多點份量。
淹「韓國牛肋骨」大約十分鐘。
（唔包括你加淹料的時間的！）
好吧，因為家裡沒有韓燒工具，用「煎PAN」代替。
因為「煎PAN」大小有限，所以先將「韓國牛肋骨」剪開兩半。
倒適量的油，燒紅個「燒PAN」，轉開細火放「韓國牛肋骨」在「煎PAN」。
燒熟一面再反轉第二面，如果想食生D，中間紅紅地都應該OKAY。
（其實我不知道‥‥‥但我的「韓國牛肋骨」中間有小小紅的！）
其實煎完兩塊（即一次）就要加番D油！
到骨的部份記得用耐D時間去到煎，熟就搞掂，可以上碟了。
試食感：
其實同外出食有八至九成似，味道因為不是燒，肉汁沒有這麼濃。
但用「煎PAN」quality去計算，這個味道都幾好食。
下次可以試下用幾其他牛（排）去煎，加埋它的醬汁，我覺得一樣有「韓國」風味的。
成功的話，再同大家分享「韓國牛肋骨」成功記啦。
沒有留言:
張貼留言